سوشل میڈیا پر اکثر جانوروں کا منفرد لُک وائرل ہو جاتا ہے جسے دیکھ کر صارفین حیران رہ جاتے ہیں اور اپنی ہنسی پر قابو نہیں رکھ پاتے۔

ایک ایسی ہی ویڈیو سوشل میڈیا پر وائرل ہو رہی ہے جس میں کچھ کتوں کو اسکول بیگ پہن کر دروزے کے پاس تیار بیٹھا دیکھا جا سکتا ہے۔

ویڈیو میں مختلف نسلوں کے کتوں کو گھر کے ایک قالین پر بیٹھے ہوئے دیکھا جا سکتا ہے جن کے پشت پر ایک بیگ اور گلے میں پٹہ موجوود ہے۔

کتوں کے اس منفرد لُک کو سوشل میڈیا صارفین کی جانب سے بہت پسند کیا جا رہا ہے۔

کتوں کی اس ویڈٰو پر سوشل میڈیا صارفین کی جانب سے دلچسپ کمنٹس بھی کیے جا رہے ہیں۔

ایک انسٹاگرام صارف نے اس ویڈیو پرکمنٹ کرتے ہوئے کہا کہ لگتا ہے یہ واقعی اسکول جا رہے ہیں۔

واضح رہے کہ وائرل ہونے والی اس ویڈیو کو 12000 سے زیادہ لوگ شئیر کرچکے ہیں جبکہ 8 لاکھ سے زیادہ سوشل میڈیا صارفین اسے دیکھ  چکے ہیں۔