مانو بلی اکثر اپنی نت نئی حرکتوں اور دلچسپ ویڈیوز کی وجہ سے سوشل میڈیا صارفین کی توجہ اپنی جانب مبزول کر لیتی ہے۔

ایسی ہی ایک دلچسپ ویڈیو تیزی سے سوشل میڈیا پر وائرل ہو رہی ہے۔

"Yep, looks good… now pull the wires through over here and we're done" –Electricatian pic.twitter.com/hSY3UidiSK

— Madeyousmile (@Thund3rB0lt) November 24, 2022

وائرل ہونے والی ویڈیو میں دیکھا جا سکتا ہے کہ ایک مانو بلی الیکٹریشن بنی ہوئی ہے۔

ٹوئٹرصارف میڈیوسمیل کی جانب سے ایک ویڈیو شیئر کی گئی جس میں ایک بلی کو ایک آدمی کی مدد کرتے ہوئے دیکھا جا سکتا ہے۔

ویڈیو میں دیکھا جا سکتا ہے کہ ایک آدمی چھت پر الیکٹرک کے حوالے سے کوئی کام کررہا ہے اور اچانک ایک بلی بھی وہاں آتی ہے اور چھت کو ایک ماہر الیکٹریشن کی طرح مشاہدہ کرنے لگتی ہے۔

 بلی کی اس حرکت پرجہاں وہاں موجود نوجوان اپنی ہنسی پرقابو نہیں رکھ سکا وہیں سوشل میڈیا صارفین بھی اپنی ہنسی نہیں روک سکے۔

 ٹوئٹرصارف میڈیوسمیل نے مانو بلی کی اس کیوٹ ویڈیو کو گزشتہ روز ٹویٹر پر شئیر کیا تھا جو دیکھتے ہی دیکھتے سوشل میڈیا پر مقبول ہو گئی۔

سوشل میڈیا پر وائرل ہونے والی اس ویڈیو کو صارفین ک جانب سے بہت پسند کیا جا رہا ہے ساتھ ہی اس ویڈیو پر متعدد کمنٹس بھی کیے جا رہے ہیں۔

ایک صارف نے اس ویڈیو پر کمنٹ کرتے ہوئے کہا کہ واقعی اس بلی کی ویڈیو دیکھ کر ایسا لگ رہا ہے کہ یہ کوئی بڑی ماہر الیکٹریشن ہے۔

 جبکہ ایک صارف نے کمنٹ کرتے ہوئے بلیوں کی تعریف میں کہا کہ میرے نزدیک بلیاں جانوروں میں سب سے دلچسپ جانور ہیں۔

یہ ہی نہیں بلکہ ایک صارف نے دلچسپ کمنٹ کیا کہ اس بلی کو میں اپنے گھر میں بطور الیکٹریشن رکھ لوں گا۔

علاوہ ازیں دیگر صارفین کی جانب سے بھی بلی کے لیے پیار بھرے کمنٹس بھی کیے جا رہے ہیں۔

واضح رہے کہ سوشل میڈیا پر اکثر جانوروں کی ایسی ویڈیوز وائرل ہو جاتی ہیں جو کبھی صارفین کو جزباتی تو کبھی خوفزدہ کردیتی ہیں۔