بھارت میں ایک  کی لڑکے  کی رات میں اسٹریٹ بلب چوری کرنے کی ویڈیو سوشل میڈیا پر وائرل ہو گئی ہے۔

سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ ایک لڑکا رات ڈیڑھ بجے کرسی پرچڑھ کر اسٹریٹ بلب چوری کر رہا ہے۔

بھارتی چور کی یہ ویڈیو سی سی ٹی وی میں ریکارڈ ہو گئی جس کے بعد پولیس نے فوراً ایکشن بھی لیا ہے۔

اس سے قبل تو ایک ایسی ویڈیو وائرل ہوئی تھی جس نے تمام لوگوں کو حیران ہونے کے ساتھ ساتھ افسوس میں بھی مبتلا کر دیا تھا۔

جی ہاں اس سے پہلے وائرل ہونے والی ویڈیو میں ایک بھارتی پولیس افسر کو ہی اسٹریٹ بلب چوری کرتے ہوئے دیکھا گیا تھا۔

بھارت میں پولیس انسپکٹر راجیش ورما کی بلب چوری کرنے کی ویڈیو میں دیکھا گیا تھا کہ انسپکٹر پان کی دکان سے بلب چوری کر رہا ہے۔

ویڈیو میں دیکھا گیا کہ انسپکٹر پان کی بند دکان کے قریب آتا ہے اور اردگر دیکھنے کے بعد دکان کے باہر لگا ایل ای ڈی بلب اتار کر اپنی جیب میں ڈال لیتا ہے پھر وہاں سے چلا جاتا ہے۔

چوری کا یہ واقعہ 6 اکتوبر کو پیش آیا تھا اور مجرم کی نشاندہی سی سی ٹی وی کے ذریعے کی گئی تھی۔

تاہم صبح جب دکاندار نے بلب غائب دیکھا تو اس نے سی سی ٹی وی فوٹیج چیک کی اور یہ جان کر حیران رہ گیا کہ چور ایک انسپکٹر تھا۔

دوسری جانب معطل پولیس اہلکار نے اپنے بیان میں بتایا تھا کہ میں نے بلب صرف اس لیے اُتارا تھا کیوں کہ جہاں  میرہ ڈیوٹی میں تعینات تھی وہاں اندھیرا تھا۔

واضح رہے کہ  ایس ایس پی پھول پور میں تعینات انسپکٹر راجیش ورما کو چوری کرنے کے جرم میں معطل کر دیا گیا تھا۔