” میرا دل یہ پکارے آجا“ کے گانے پر رقص کرنے والی لڑکی کے چرچے پوری دنیا میں شروع ہو گئے۔

سوشل  میڈیا پر ایک ویڈیو تیزی سے وائرل ہو رہی ہے جس میں افریقی ملک تنزانیہ کے سوشل میڈیا اسٹار کلی پال کو ان کے بہن کے ہمراہ ” میرا دل یہ پکارے آجا“ پر ڈانس کرتے ہوئے دیکھا جا سکتا ہے۔

اس سے قبل بھی تنزانیہ کے سوشل میڈیا اسٹار کلی پال نے عالمی شہرت یافتہ گلوکار علی ظفر کے مقبول ترین گانے پر اپنی بہن کے ساتھ لِپ سِنگ کی تھی۔

گزشتہ دنوں سے پاکستانی لڑکی کا ” میرا دل یہ پکارے آجا“ پر کیے جانے والا رقص سوشل میڈیا پر خوب وائرل ہو رہا ہے۔

یہ گانا بھارت کی معروف گلوکارہ لتا منگیشکر کا ہے جو اب اس پاکستانی لڑکی کے ڈانس کرنے کی وجہ سے مزید وائرل ہو رہا۔

 اس سے قبل  بھی  فوٹو اینڈ ویڈیو شئیرنگ ایپ انسٹاگرام پر بھارتی نوجوان ارسلان خان نے بھی اس گانے پر ڈانس کیا اور اس ویڈیو کو دلچسپ کیپشن کے ساتھ پوسٹ کیا جو دیکھتے ہی دیکھتے سوشل  میڈیا پر مقبول ہو گئی۔

انسٹاگرام صارف ارسلان خان نے اپنی پوسٹ کی جانے والی ویڈیو میں لکھا تھا کہ  اس لڑکی کی وائرل ویڈیو کو دیکھا تو سوچا تھوڑا نئے انداز میں ایک ویڈیو بنا ہی لوں۔

عائشہ کی جانب سے اپنی سہیلی کی مہندی کی تقریب میں کیا گیا رقص اس وقت سوشل میڈیا صارفین کی توجہ کا مرکز بنا ہو ا ہے اور بہت سے لوگ اس گانے پر رقص کرنے کی ویڈیوز بنا رہے ہیں۔

عائشہ دراصل انسٹاگرام پر زیادہ ایکٹو نہیں رہتیں لیکن وہ اپنی روزانہ کی زندگی کے بارے میں ٹک ٹاک پر اکثر شیئرنگ کرتی رہتی ہیں۔

واضح رہے کہ  انسٹاگرام پر عائشہ کے فالورز کی تعداد 2 لاکھ کے قریب ہے جبکہ انہوں نے 14 پوسٹ ہی شیئر کی ہیں شادی کے موقع پر بنایا گیا کلپ اب تک3 ملین سے زائد بار دیکھا جا چکا ہے جو اب تک سوشل میڈیا پر ٹرینڈ کر رہا ہے۔