مانو بلی نے فیشن شو میں سب کی توجہ اپنی جانب مبذول کرلی۔

سوشل میڈیا پر مانو بلی کی ایک پُرانی ویڈیو گردش کررہی ہے جس نے صارفین کو حیران کر دیا ہے۔

キャットウォーク pic.twitter.com/3r0i0frq0y

— chiro (@Chiro_chan_neko) October 27, 2018

وائرل ہونے والی ویڈیو میں دیکھا جا سکتا ہے کہ استنبول فیشن شو میں ایک بلی ریمپ پر واک کرنے آگئی۔

ویڈیو میں بلی کو ماڈل کے ساتھ واک کرتا ہوا دیکھا جا سکتا ہے۔

سوشل میڈیا صارفین کی جانب سے بلی کی اس ویڈیو کو بہت پسند کیا جا رہا ہے۔

ایک صارف نے ویڈیو پرکمنٹ کرتے ہوئے کہا کہ مجھے لگتا ہے بلی میڈم ماڈلز کی کیٹ واک چیک کرنے آئی ہے۔

جبکہ ایک صارف نے کہا کہ بلی نے تو ماڈل پرہی حملہ کردیا، ساتھ ہی یہ بھی وضاحت دی کہ مجھے لگتا ہے بلی نے اس لیے ماڈل پر حملہ کیا کہ اسے اس کے واک پسند نہیں آئی۔

یہ مضحکہ خیز واقعہ 2018 میں منعقد کیے جانے والا ایسموڈ انٹرنیشنل فیشن شو کے دوران پیش آیا تھا۔

 اس ویڈیو کو ٹوئٹر پیج “کیٹس ود جابز” نے دوبارہ شیئر کیا جس کی وجہ سے یہ ویڈیو ایک بار پھر صارفین کی توجہ کا مرکز بن گئی

۔ واضح رہے کہ سوشل میڈیا پر اکثر بلی کی نت نئی حرکتیں وائرل ہو جاتی ہیں جسے دیکھ کر بچے تو بچے بڑے بھی اپنی ہنسی پرقابو نہیں رکھ پاتے۔