پاکستان کی معروف شیف شیرین انور کا کہنا ہے کہ ان کے ساتھ ڈکیتی کی واردات ہوئی اور چوروں نے انہیں جان سے مارنے کی دھمکی دی۔

حال ہی میں معروف شیف شیرین انور نے اپنے ساتھ پیش آنے والے واقعے سے متعلق نجی ٹی وی کے مارننگ شو میں انکشاف کیا ہے کہ ان کے ساتھ ڈکیتی کی واردات ہوئی۔

انہوں نے کہا کہ’میرے ساتھ ڈکیتی کا واقعہ پیش آیا جس نے مجھے بہت زیادہ خوفزدہ کیا، ڈکیت مجھے پہچان گئے اور انہوں نے کہا کہ آپ شیرین آپا ہیں نا’۔

  شیف شیرین انور نے کہا کہ ‘انہوں نے مجھے 2 سے 3 تھپڑ مارے اور دھمکی دی کہ اگر تم نے کسی کو ہماری شکایت کی تو تمہیں ٹی وی پر آکر گلا کاٹ کر مار ڈالیں گے’۔

  معروف شیف نے کہا کہ’اس واقعے نے ان پر اتنا گہرا اثر ڈالا کہ اب کوئی بھی موٹر سائیکل ان کے قریب سے گزرتی ہے تو وہ کانپنے لگتی ہیں، انہیں خوف آتا ہے کہ کہیں وہی لوگ دوبارہ ان کے سامنے تو نہیں آگئے‘۔