سوشل میڈیا پر اکثر ایسی ویڈیوز وائرل ہو جاتی ہیں جو دیکھنے والوں کو خوفزدہ کر دیتی ہیں۔

ایسی ہی ایک ویڈیو کے ساتھ آج ہم حاضر ہوئے ہیں جس میں شوہر بیوی کو ڈرانے کے بھیانک انجام سے بال بال بچ گیا۔

 ویڈیو میں دیکھا جاسکتا ہے کہ شوہر آئینے کے پاس ایک خوفناک سبز ماسک پہنے کھڑا ہوتا ہے کہ اس کی بیوی دروازہ کھول کر جیسے ہی اندر آتی ہے تو شوہر اسکو ڈراتا ہے۔

بیوی کچھ بھی سوچے بغیر ہاتھ میں موجود ہتھوڑی سے شوہر پر حملہ کر دیتی ہے، شوہر تو پیچھے ہٹ جاتا ہے لیکن ہتھوڑی شیشے پر لگنے سے شیشہ ٹوٹ جاتا ہے۔

بعدازاں ویڈیو میں جوڑے کو بیٹھے ہوئے اور مذاق کے غلط ہونے کے بارے میں اپنا تجربہ شیئر کرتے ہوئے دکھایا گیا ہے۔

 شوہر کا کہنا تھا کہ وہ گزشتہ 24 سالوں سے ایک دوسرے کے ساتھ مذاق کر رہے ہیں اور میں نے ابھی تک اپنی بیوی کو ڈرانے کا موقع نہیں چھوڑا ہے۔

ویڈیو کے آخر میں شوہر نے بیوی سے پوچھا کہ کیا وہ اس مذاق پر اسے معاف کر دے گی، تو بیوی نے جواب دیا کہ مجھے یہ آئینہ بہت پسند تھا۔