ٹک ٹاک کے ایک اور خطرناک چیلنج نے نوجوان نسل کو جکڑ لیا۔

غیر ملکی خبررساں ادارے کے مطابق میکسیکو کے حکام ایک وائرل ٹک ٹاک چیلنج کے حوالے سے خبردار کر رہے ہیں جس میں اسکول کے طلبہ نے نیند آور دوا لے کر اپنی زندگی کو خطرے میں ڈال رہے ہیں۔

اس ٹک ٹاک چیلنج کا سلوگن ہے کہ ’آخر میں سونے والا جیتے گا‘ جس میں دوروں، گھبراہٹ اور بےچینی کے علاج کے لیے استعمال کی جانے والی دوا کلونازپم لینے کے بعد جاگنے کی کوشش کی جاتی ہے۔

خیال رہے کہ غنودگی اس دوا کا سائیڈ افیکٹ ہے۔

اس حوالے سے دارالحکومت کے پبلک سیکیورٹی ڈیپارٹمنٹ نے بتایا کہ پیرامیڈیکس نے میکسیکو سٹی کے ایک سکول میں پانچ طلبہ علاج کیا۔

مزید پڑھیں

https://www.bolnews.com/urdu/technology/2023/01/941423/amp/

شمالی ریاست نیو لیون میں حکام نے ایسے تین کیسز کی اطلاع دی تاہم طالب علموں میں سے کوئی بھی شدید بیمار نہیں ہوا۔

جبکہ اس ٹک ٹاک چیلنج کے حوالے سے نیوو لیون کی ہیلتھ سیکرٹری الما روزا نے کہا کہ ’بدقسمتی سے سوشل میڈیا نیٹ ورکس کے ذریعے پھیلنے والے چیلنجز اکثر لوگوں کی صحت کو خطرے میں ڈال دیتے ہیں۔‘

ٹِک ٹاک پر لوگوں کی کئی ویڈیوز پوسٹ کی گئی ہیں جو دواکے اثرات کا مشاہدہ کرنے کے لیے یہ گولیاں لے رہے ہیں۔

واضح رہے کہ دیگر صارفین نے چیلنج کے خطرے کے بارے میں خبردار کرنے والی ویڈیوز پوسٹ کی ہیں۔