سوشل میڈیا پر اکثر حادثات کی ویڈیوز وائرل ہو جاتی ہیں جن کو دیکھ کر صارفین خوفزدہ ہو جاتے ہیں۔

 حال ہی میں ایک ایسی ویڈیو سوشل میڈیا پر وائرل ہو گئی ہے جس میں کار کا دروازہ اچانک کھلنے سے موٹر سائیکل سوار ٹینکر کے نیچے آگیا۔

وائرل ویڈیو میں دیکھا جاسکتا ہے کہ ایک موٹر سائیکل سوار سامنے سے آرہا ہے، ایک کار کھڑی ہوئی ہے جبکہ ٹینکر موٹر سائیکل سوار کے برابر میں ہی آرہا ہے۔

pic.twitter.com/VcZxIKw5Sk

Advertisement

— Shocking Videos (@ShockingClip) December 23, 2022

جیسے ہی کار میں بیٹھا شخص اترنے کیلئے دروازہ کھولتا ہے تو موٹر سائیکل سوار اس سے ٹکرا کر چلتے ٹینکر کے نیچے آجاتا ہے۔

یہ بھی پڑھیں؛ عورت کو مونجولیکا کا روپ دھار کر لوگوں کو ڈرانا مہنگا پڑگیا؛ دل دہلا دینے والی ویڈیو وائرل

لیکن ٹینکر ڈرائیور کے بروقت بریک لگانے سے موٹر سائیکل سوار بچ جاتا ہے۔

ویڈیو کو ابتک لاکھوں لوگ دیکھ چکے ہیں اور سوشل میڈیا صارفین کی جانب سے تبصروں کا سلسلہ جاری ہے۔

ہوا کے بگولے میں چلتی کار غائب؛ دل دہلا دینے والی ویڈیو وائرل

ہوا کے بگولے میں چلتی کار کے غائب ہونے کی خوفناک ویڈیو سوشل میڈیا پر وائرل ہو گئی ہے۔

وائرل ویڈیو امریکا کے وسطی علاقے کی ہے جس میں دیکھا جاسکتا ہے کہ علاقے کو طاقتور طوفان نے اپنی لپیٹ میں لیا ہوا ہے، شدید بارش کا سلسلہ بھی جاری ہے۔

 ایسے میں بائیں جانب سے ایک کار نمودار ہوتی ہے اور شدید طوفان کی زد میں آجاتی ہے۔

Holy 💩pic.twitter.com/rofyyL7HVI

Advertisement

— Vicious Videos (@ViciousVideos) January 8, 2023

ویڈیو میں دیکھا جاسکتا ہے کہ گاڑی طوفان میں تباہ وبرباد ہوجاتی ہے اور اس میں سوار ایک خاتون سڑک پر زخمی حالت میں پڑی ملتی ہے۔

وائرل ویڈیو کو دیکھ کر اس بات کا تعین نہیں کیا جاسکا کہ گاڑی میں کل کتنے لوگ موجود تھے، جبکہ ویڈیو پیچھے آنے والی گاڑی میں موجود شخص نے بنائی ہے جس نے گاڑی کو فوری بریک لگاکر بگولے میں داخل ہونے سے روک لیا تھا۔