دلہا نے دلہن کو انوکھا تحفہ دیکر سب کو حیران کر دیا

سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ ایک دلہا نے اپنی فنکارانہ صلاحیت کو استعمال کر کے دلہن کو منفرد تحفہ دے دیا۔

وائرل ہونے والی ویڈیو ہندوستان میں ہونے والی ایک شادی کی تقریب کی ہے۔

ویڈیو میں دیکھا جا سکتا ہے کہ شادی کی تقریب کے دوران دلہا کینوس پر ایک تصویر اُلٹی بناتا ہے جو کہ اس کی دلہن کی ہی ہوتی ہے۔

چند منٹوں میں بڑی مہارت سے دلہن کی تصویر بنا کر دلہن ہی کو بطور تحفہ دینے والا دلہا سوشل میڈیا پر وائرل ہو رہا ہے۔

سوشل میڈیا پر وائرل ہونے والی اس ویڈیو کو صارفین کی جانب سے بہت پسند کیا جا رہا ہے۔

وائرل ہوے والی اس منفرد ویڈیو پر سوشل میڈیا صارفین کی جانب سے متعدد کمنٹس بھی کیے جا رہے ہیں ۔

ایک صارف نے اس ویڈیو پر کمنٹ کرتے ہوئے کہا کہ یہ تو بڑا اچھا شوہر ثابت ہو گیا۔

جبکہ ایک صارف نے کہا کہ آتے ہی چھا گیا۔

یہ ہی نہیں ایک صارف نے اس ویڈیو پر کمنٹ کرتے ہوئے کہا کہ محبت سے دیے جانے والا ہر تحفہ ہی قیمتی ہی ہوتا ہے۔

واضح رہے کہ سوشل میڈیا پر اکثر نت نئے آرٹ کی ویڈیو وائرل ہوتی رہتی ہیں جسے صارفین کی جانب سے پسند بھی بہت کیا جاتا ہے۔