آئی فون خریدنے کے خواہشمند لڑکے کی دل دہلا دینے والی ویڈیو وائرل ہو گئی ہے۔

حال ہی میں بھارتی ریاست بنگلورو میں ایک واقعہ پیش آیا جس کی ویڈیو سوشل میڈیا پر گردش کر رہی ہے جس میں ایک ڈلیوری بوائے کو جاتے ہوئے دیکھا جاسکتا ہے۔

ویڈیو کے کیپشن میں لکھا ہے کہ ’ بیس سالہ نوجوان نے مہنگے آئی فون کے پیسے نہ ہونے پر ڈلیوری بوائے کو قتل کرکے لاش جلادی ‘۔

A 20 year old man killed an E kart delivery guy, kept the body three days in his home, and burnt the body later all for an obsession for an #iPhone which he didn’t have financial means to pay. Hemanth Dutt of Ariskere town in #Hassan #Karnataka has been arrested- thanks to cctv pic.twitter.com/FIHLtMHqqY

Advertisement

— Imran Khan (@KeypadGuerilla) February 19, 2023

  واقعہ رواں ماہ کی سات تاریخ کو حسن علاقے میں پیش آیا، جہاں ہیمنت نامی نوجوان نے ایک سیکنڈ ہینڈ آئی فون آرڈر کیا، ڈلیوری بوائے دئیے گئے پتے پر پہنچا تو ملزم نے اسے گھر بلاکر کمرے میں بٹھایا اور کہا کہ وہ پیسے لیکر آتا ہے۔

 ملزم پیسوں کے بجائے چاقو لایا اور ڈلیوری بوائے کو قتل کر دیا، ملزم نے واقعے کے بعد لاش کو تین روز تک اپنے گھر میں بوری میں باندھے رکھا اور مناسب وقت ملنے پر لاش کو جلانے کا منصوبہ بنایا۔

ہیمانت دت نے شواہد مٹانے کے لئے قریبی پیٹرول پمپ سے پیٹرول خریدا اور لاش کو قریبی ریلوے اسٹیشن کے پاس لیجاکر جلاڈالا۔

دوسری جانب واقع کی سی سی ٹی وی پولیس نے دیکھی اور قاتل کو گرفتار کر لیا، بعدازاں مجرم نے قتل کا اعتراف کرتے ہوئے کہا کہ موبائل فون کی قیمت 46 ہزار روپے تھی جو اس کے پاس نہیں تھے اس لیے ڈلیوری بوائے کو قتل کردیا۔