پاکستان کے معروف فوڈ ولاگر عدیل چوہدری سوشل میڈیا پر مقبول ہونے کے ساتھ ساتھ اب بین الاقوامی شہرت یافتہ امریکی بزنس میگزین فوربز میگزین میں شامل ہونے والے پہلے پاکستانی بھی بن  چکے ہیں۔

عدیل نے انسٹاگرام پر فوربز میں شامل ہونے کی خوشخبری فخر سے مداحوں کے ساتھ شئیر کی تھی۔

یپشن میں تفصیلی نوٹ لکھا تھا کہ میں عاجزی سے اس کامیابی پر اور قابل فخر پاکستانی ہونے کے ناطے اس سال کو ختم کرنے کیلئے اللہ اور اپنے فالورز کا بے حد شکر گزار ہوں۔

انہوں نے عالمی سطح پر مقبول ترین میگزین فوربز (Forbes) کی جانب سے دیئے جانے والے پہلے پاکستانی فوڈ ولاگر کے ٹائٹل پر ان کا شکریہ ادا کیا۔

ان کا مزید کہنا تھا کہ پاکستانی کھانوں کو دنیا میں بہترین تسلیم کرنے اور انہیں باعث فخر پاکستانی کے طور پر نامزد کرنے کیلئے میگزین کے بے حد مشکور ہیں۔

عدیل چوہدری نے لکھا تھا کہ ہم سرحد کے لحاظ سے تو تقسیم ہوسکتے ہیں لیکن ہم کھانوں سے متحد ہیں، اس کامیابی نے انہیں پاکستان کے مقامی کھانوں اور ثقافت کو عالمی سطح پر اجاگر کرنے کے ان کے مقصد کے اور قریب کردیا ہے۔

انہوں نے ان تمام لوگوں کی حوصلہ افزائی بھی کی جو ان کی طرح پاکستان کا نام روشن کررہے ہیں۔

واضح رہے کہ اس سے قبل عدیل موسیقی، ٹی وی، فلم اور فیشن میں عالمی سطح پر پہچان حاصل کرچکے ہیں۔