اے آئی، یعنی مصنوعی ذہانت کی مدد سے بہت سے کام آسان ہوگئے ہیں اور بہت سے لوگ اس کی مدد سے اپنے فن کا بھی مظاہرہ کر رہے ہیں۔

اس مصنوعی ذہانت کے استعمال سے اب تک دنیا بھر کی کئی معروف شخصیات کے الگ الگ ورژن بنائے گئے ہیں جس میں کسی کو کم عمر ، کسی کو باربی ڈول کی صورت، کوئی کسی اور روپ میں یا کسی کو دنیا کے ایک کونے میں پہنچا دینے والے ورژن شامل ہیں۔

دنیا بھر میں مختلف فنکار AI کی بنائی گئی تصاویر پوسٹ کرکے سوشل میڈیا پر دھوم مچا رہے ہیں اور حال ہی میں پاکستان سے تعلق رکھنے والے ایک فنکار نے  ’اے آئی‘ کی مدد سے بین الاقوامی طور پر مشہور اور معروف شخصیات کو پاکستان کے مختلف علاقوں میں پہنچادیا ہے جس میں وہ پاکستانی لباس بھی پہنے ہوئے نظر آرہے ہیں۔

حال ہی میں، اے آئی آرٹسٹ صبور اکرم نے تصاویر کا ایک مجموعہ شیئر کیا جس میں عالمی مشہور شخصیات بشمول فلمی ستارے، کھلاڑی اور گلوکار روایتی لباس میں ملبوس پوز دیتے ہوئے نظر آرہے ہیں۔

تصاویر کو فوٹوشاپ، مڈجرنی اور پروکریٹ کا استعمال کرتے ہوئے تیار کیا گیا ہے جسے سوشل میڈیا پلیٹ فارم پر غیر معمولی طور پر سراہا بھی جارہا ہے ۔

تصویروں کے دوسرے سیٹ میں امریکی ٹیلی ویژن کی شخصیات اور ہالی وڈ کے ستارے جیسے کم کارڈیشین، ٹموتھی چالمیٹ، کائلی جینر، ہنری کیول، زینڈایا، اور آریانا گرانڈے روایتی لباس میں ملبوس ہیں۔

تیسرے سیٹ میں بین الاقوامی ایتھلیٹس اور کھلاڑی جیسے لیونل میسی، لیبرون جیمز، کرسٹیانو رونالڈو، جان سینا، رونڈا روزی، راجر فیڈرر، اور لیوس ہیملٹن کو اسی طرح کے دیسی لباس میں گلیوں میں پوز دیتے ہوئے دکھایا گیا ہے۔

چوتھے سیٹ میں لانا ڈیل رے، بلی ایلش، ایمینیم، زین ملک، اور دی ویکنڈ جیسے بین الاقوامی اور مقبول گلوکار شامل ہیں، جو سڑکوں پر پوز دے رہے ہیں۔

آخری اور آخری سیٹ میں ٹیلر سوئفٹ، ہیری اسٹائلز، کنیے ویسٹ، جسٹن بیبر، ریحانہ، ایڈ شیران، اور سیلینا گومز جیسے کئی اور بین الاقوامی گلوکار شامل ہیں۔

انتہائی حقیقت پسندانہ تصاویر نے صارفین کو مسحور کر دیا ہے جو فنکار کے تخیل کی تعریف کرنا بند نہیں کر سکتے۔