بالی ووڈ اداکارہ انوشکا شرما اور بھارتی کرکٹر ویرات کوہلی نے 20 فروری کو اپنے دوسرے بچے کی پیدائش کا اعلان کیا ہے۔

جوڑے نے ایک بیان جاری کرتے ہوئے انکشاف کیا کہ ان کے بیٹے کی پیدائش 15 فروری کو ہوئی تاہم اس اعلان کے بعد سے جوڑے کی مصنوعی ذہانت سے تیار کردہ کئی تصاویر وائرل ہو گئی ہیں۔

جوڑے کے ہاں دوسرے بچے کی پیدائش پر شائقین بہت خوش ہیں جبکہ کئی فین پیجز نے ان کے خاندان کی AI سے تیار کردہ تصاویر بھی شیئر کی ہیں جو کہ سوشل میڈیا پر کافی وائرل ہورہی ہیں۔

ویرات کوہلی اور ان کے اہل خانہ کی مصنوعی ذہانت سے تیار کردہ کئی تصاویر انٹرنیٹ پر گردش کر رہی ہیں۔

ان تصاویر میں ویرات اور انوشکا کو ایک دوسرے کے ساتھ بیٹھے ہوئے دیکھا جا سکتا ہے جب وہ اپنے نوزائیدہ، آکائے کو دیکھ رہے ہیں، جس نے 18 نمبر کی جرسی پہن رکھی تھی۔

خیال رہے کہ اداکارہ انوشکا اور کرکٹر ویرات کوہلی کی شادی سال 2017 میں ہوئی تھی اور شادی کے 05 سال بعد ان کے ہاں بیٹی کی پیدائش ہوئی تھی جس کا نام وامیکا ہے اور عمر 03 سال ہے۔

بعدازاں 20 فروری 2024 کو، ویرات اور انوشکا نے اپنے دوسرے بچے کی پیدائش کا اعلان کیا اور بتایا کہ وہ 15 فروری 2024 کو دوبارہ والدین بن گئے ہیں۔