سابق  بھارتی ٹینس اسٹار ثانیہ مرزا کی ’صبر‘ سے متعلق پوسٹ وائرل ہوگئی ہے جس میں انہوں نے ظالموں کو معاف کرنے کی اہمیت پر زور دیا ہے۔

حال ہی میں سابق  بھارتی ٹینس اسٹار نے اپنے انسٹاگرام اکاؤنٹ پر ایک پوسٹ شیئر کی ہے۔

اس پوسٹ میں ‘صبر’ کے معنی کی تفصیل دی گئی ہے، جس میں تمام مشکلات کے باوجود مسکرانے اور ظالمانہ سلوک کرنے والے لوگوں کو معاف کرنے کی طاقت پر زور دیا گیا ہے۔

پوسٹ میں بتایا گیا ہے کہ “صبر، آپ کے اندر کی تمام تر تکلیفوں کے باوجود لوگوں کو دیکھ کر مسکرانا ہے اور صابر وہ ہوتا ہے جو آنکھوں سے نکلنے والے آنسوؤں کو کسی کے دیکھنے سے پہلے ہی انہیں پونچھ دیتے ہیں۔

بعدازاں ثانیہ مرزا نے اپنے 13 ملین فالوورز کے ساتھ ایک دلچسپ کیپشن کے ساتھ اپنی کچھ دلکش نئی تصاویر بھی شیئر کیں۔

شیئر کی جانے والی تصاویر کے کیپشن میں انہیں نے لکھا کہ “زندگی اس وقت تک نہیں چمکے گی جب تک کہ آپ اسے نہیں چمکائیں گے۔”

خیال رہے کہ بھارتی ٹینس کھلاڑی ثانیہ مرزا اس وقت سے سرخیوں میں ہیں جب سے ان کے سابق شوہر شعیب ملک نے اپنی تیسری شادی کا اعلان کیا۔

 شعیب ملک نے اپنے انسٹاگرام اکاؤنٹ پر تصاویر شیئر کرتے ہوئے اعلان کیا کہ ان کی شادی 20 جنوری 2024 کو لالی وڈ اداکارہ ثنا جاوید سے ہوئی۔

پاکستانی کرکٹر کی پوسٹ کے فوراً بعد ہی ثانیہ کے گھر والوں کی جانب سے انکشاف کیا گیا کہ دونوں کے درمیان بذریعہ خلع چند ماہ پہلے ہی علیحدگی ہوئی ہے اور ان کی زندگی کے اس حساس دور میں ان کے لیے رازداری کی درخواست بھی کی۔