سوشل میڈیا کے سب سے مقبول ترین پلیٹ فارم ’فیس بک‘کو 20 سال مکمل ہوچکے ہیں اور اس موقع پر مارک زکربرگ نے اپنی یادگار تصویر شیئر کی ہے۔

میٹا کے سی ای او مارک زکربرگ نے 4 فروری کو سوشل میڈیا پلیٹ فارم کی 20 ویں سالگرہ کے موقع پر اپنی فیس بک پروفائل پکچر کو اپ ڈیٹ کیا ہے۔

انہوں نے اپنی پوسٹ کے کیپشن میں لکھا، “فیس بک کے 20 سال اس جوہر کو دوبارہ دیکھنے کا مطالبہ کرتے ہیں۔” اس کے علاوہ اپنی پوسٹ میں زکربرگ نے اپنے اکاؤنٹ کی 2004 کی تصویر بھی شیئر کی۔

اس پوسٹ کو فیس بک پر 6 لاکھ سے زیادہ ویوز ملے، جب کہ سوشل میڈیا صارفین نے مارک زکربرگ کو اس سنگ میل کو حاصل کرنے پر مبارکباد دی۔

ایک صارف نے زکربرگ کی نئی پروفائل تصویر پر ردعمل دیا اور کہا کہ “حیرت انگیز تصویر،” جبکہ ایک اور شخص نے کہا “زبردست تصویر۔”

خیال رہے کہ فیس بک کو اصل میں ہارورڈ کے طلباء کے درمیان رابطوں کی سہولت فراہم کرنے کے لیے بنایا گیا تھا اور سال 2021 میں، مارک زکربرگ نے اعلان کیا کہ ان کی کمپنی کو میٹا یا میٹا پلیٹ فارمز کے نام سے جانا جائے گا۔