سوشل میڈیا پر وائرل ہونے والا نرالا اور آف بیٹ مواد صارفین کو حیران کرنے میں کبھی ناکام نہیں ہوتا ہے۔

سوشل میڈیا پر وائرل ہونے والی ایک ویڈیو میں، احمد آباد میں مقیم ایک دکاندار کو اوریو بسکٹ کے ساتھ پکوڑے تیار کرتے ہوئے دیکھا گیا ہے جسے Oreo bhajiyas  کا نام دیا گیا ہے۔

 ویڈیو میں دکھایا گیا ہے کہ ایک شخص بسکٹ کا پیکٹ کھولتا رہا ہے اور پھر ایک ایک بسکٹ کو بیسن کے بیٹر میں ڈبو دیتا ہے اور پھر اسے کڑھائی میں ڈیپ فرائی کرتا ہے۔ آخر میں، وہ پکوڑوں کو پلیٹ میں نکال کر پیش کرتا ہے اور انہیں آدھے حصے میں کاٹتا ہے۔

اس ویڈیو کے وائرل ہونے پر سوشل میڈیا صارفین نے ردعمل پیش کرتے ہوئے اس پر ناپسندیدگی کا اظہار کیا ہے۔

خیال رہے کہ پکوڑے ہر کسی کو پسند ہوتے ہیں جو کہ زیدہ تر شام کے ناشتے میں شوق سے کھائے جانے والے نمکین پکوان میں سے ایک ہیں لیکن اس عجیب و غریب امتزاج نے سوشل میڈیا صارفین کو حیران ہی کردیا ہے۔