ایشیا کے امیر ترین خاندان اور ریلائنس انڈسٹریز کے چیئرمین مکیش امبانی کے سب سے چھوٹے بیٹے آننت امبانی اس سال جولائی میں صنعتکار ویرن مرچنٹ کی بیٹی رادھیکا مرچنٹ سے شادی کرنے والے ہیں۔

اس حوالے سے جاری ہونے والی ایک رپورٹ کے مطابق ان کی شادی کی ایک تقریب جولائی میں لندن میں ان کی اسٹوک پارک اسٹیٹ میں منعقد کی جائے گی۔

ذرائع کے مطابق شادی کی تیاریاں جاری ہیں اور نیتا امبانی تمام تفصیلات کا جائزہ لے رہی ہیں تاہم بالی ووڈ کی مشہور شخصیات کو لندن میں شادی کی تقریب  کے لیے دعوت نامے بھیج دیئے گئے ہیں

آننت امبانی اور رادھیکا مرچنٹ کی شادی سے پہلے کی تقریبات نے عالمی سرخیاں بنائیں تھیں جس میں بالی ووڈ سمیت دنیا بھر کی مشہور شخصیات نے شرکت کی تھی تاہم ان کی شادی کی تقریبات اس سے کہیں زیادہ شاندار ہوں گی جس کا کوئی تصور نہیں کر سکتا۔