بلبلے کے اندر کیوبک پزل کو حل کرنے کا نیا ریکارڈ قائم
مہارت اور تخلیقی صلاحیتوں کے شاندار مظاہرے میں، ممبئی میں مقیم سائبر سیکیورٹی ماہر نے صابن کے بلبلے کے اندر کیوبک پزل کو حل کرنے کا گنیز ورلڈ ریکارڈ بنایا ہے۔
میڈیا رپورٹس کے مطابق چنمے پربھو نے گھومنے والی ٹیٹراہیڈرن پہیلی کو محض 32.69 سیکنڈ میں حل کر کے دیکھنے والوں کو حیران کر دیا۔
گنیز ورلڈ ریکارڈ کے آفیشل انسٹاگرام اکاؤنٹ نے چنمے پربھو کے اس کارنامے کی ویڈیو شیئر کی ہے، جسے لاکھوں لوگ دیکھ چکے ہیں۔
ویڈیو میں دکھایا گیا ہے کہ چنمے پربھو میز پر ایک بڑا بلبلہ بناتا ہے، گھومتی ہوئی پہیلی ڈالتا ہے، اور اسے آسانی اور کارکردگی کے ساتھ حل کرتا ہے۔
آن لائن پوسٹ ہونے کے بعد سے، ویڈیو کو انسٹاگرام پر 1.7 ملین سے زیادہ ویوز مل چکے ہیں۔ چنمے پربھو نے بھی اس پوسٹ پر ردعمل کا اظہار کیا اور انہوں نے اپنی ویڈیو شیئر کرنے کے لیے گنیز ورلڈ ریکارڈ کے آفیشل اکاؤنٹ کا شکریہ ادا کیا۔
خیال رہے کہچنمے پربھو اپنے سوشل میڈیا بائیو کے مطابق پانچ گنیز ورلڈ ریکارڈ کے حامل ہیں۔ انسٹاگرام پر ان کے 41 ہزار کے قریب فالوورز ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News