آننت امبانی اور رادھیکا مرچنٹ کی شادی سے پہلے کی تقریبات کے دوسرے مرحلے کا آغاز
رواں سال مارچ کے آغاز میں مکیش امبانی کے بیٹے، آننت امبانی، اور ان کی منگیتر رادھیکا مرچنٹ کی تین روزہ پری ویڈنگ تقریب گجرات کے جام نگر میں منعقد ہوئی تھی جس میں دنیا بھر سے تمام شعبہ ہائے زندگی سے تعلق رکھنے والی نامور شخصیات نے شرکت کی تھی۔
تقریباً ایک ماہ بعد آننت اور رادھیکا کی لندن میں شادی سے پہلے ہونے والی تقریبات کے دوسرے مرحلے کے بارے میں قیاس آرائیاں کی جارہی ہیں جس کی تصاویر بھی سوشل میڈیا پر وائرل ہوتی نظر آرہی ہیں۔
انسٹاگرام پر شیئر کی گئی وائرل تصاویر کی ایک سیریز میں سے ایک آننت امبانی کی ہے جب وہ حال ہی میں لندن میں اترے تھے۔
دریں اثنا، مندرجہ ذیل اسٹوریز میں ایسی تصویریں شامل ہیں جن میں دکھایا گیا ہے کہ اسٹوک پارک اسٹیٹ روشنیوں سے جگمگا رہا ہے جہاں پر پارٹی ہوئی تھی۔
اس کے علاوہ بات کی جائے تو اس پارٹی میں بالی ووڈ اسٹار ارجن کپور اور رنویر سنگھ نے بھی شرکت کی اور ایک وائرل تصویر میں دونوں ستاروں کو پنجابی گلوکار عمران خان کے ساتھ پوز دیتے ہوئے دکھایا گیا ہے۔
اس کے علاوہ پاکستانی گلوکار عاطف اسلم اور ان کی اہلیہ سارہ عاطف نے بھی اس تقریب میں خصوصی شرکت کی جس کی تصاویر انٹرنیٹ پر مسلسل گردش کرتی نظر آرہی ہیں۔
دوسری جانب، ایک رپورٹ میں دعویٰ کیا گیا ہے کہ معروف کاروباری شخصیات 28 مئی سے 30 مئی کے درمیان جنوبی فرانس کے ساحل پر ایک کروز شپ پر آننت اور رادھیکا کی شادی سے پہلے کی دوسری تقریب کی میزبانی کرنے کے لیے تیار ہیں جس میں سلمان خان، شاہ رخ خان، اور عامر خان کے ساتھ رنبیر کپور اور عالیہ بھٹ کی شرکت کا بھی امکان ہے۔
مزید برآں، رپورٹ میں مزید کہا گیا ہے کہ آننت اور رادھیکا اس سال جولائی کے آخر میں ممبئی میں اپنے خاندان اور دوستوں کی موجودگی میں شادی کے بندھن میں بندھ جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News