کینسر کے عارضے میں مبتلا ایک ننھی بچی کی اپنے بہن بھائی سے دو ہفتوں کے بعد ملاقات کی جذباتی ویڈو سوشل میڈیا پر وائرل ہوگئی ہے۔

وائرل ہونے والی اس ویڈیو کو 28 اپریل کو گڈ نیوز موومنٹ نے اپنے انسٹاگرام پیج پر دوبارہ پوسٹ کی جو یقیناً سوشل میڈیا صارفین کو رلا دے گی۔

ویڈیو میں ننھی بچی کو اپنے بھائی اور بہن کی تلاش کرتے ہوئے اسپتال میں بھاگتے ہوئے دکھایا گیا ہے۔ کچھ ہی لمحوں بعد، جب وہ شیشے کے پر دروازے پر پہنچتی ہے، تو اس کی آنکھیں خوشی سے چمک اٹھتی ہیں جہاں اس کے بہن بھائی اس کا انتظار کرتے ہوئے نظر آتے ہیں۔

اس موقع پر وہ ایک دوسرے کو دیکھ کر جذباتی ہوجاتے ہیں اور ایک دوسرے کو گلے لگانے کے لیے دوڑتے ہیں اور رونے لگتے ہیں۔

ویڈیو کے کیپشن میں لکھا گیا ہے کہ، ’”کینسر سے لڑنے والی ننھی بچی کی دو ہفتوں کے بعد اپنے بڑے بہن بھائیوں کے ستھ ملاقات ہوئی جو علاج کی وجہ سے بچوں کے آنکولوجی وارڈ میں اس سے ملاقات نہیں کر سکے تھے۔ بڑے بھائی اور بہن جب آخرکار اس قابل ہو گئے تو وہ اپنے آنسو روک نہیں سکے اور اپنی چھوٹی بہن کو گلے لگا لیا” ۔

اس سے قبل یہ ویڈیو انسٹاگرام صارف ماریہ ہیلینا نے 28 مارچ کو شیئر کی تھی جو کہ 8 ملین سے زیادہ ویوز کے ساتھ وائرل ہوئی تھی تاہم اس جذباتی ویڈیو کو دیکھنے کے بعد سوشل میڈیا صارفین بھی جذباتی ہو گئے اور پوسٹ کے کمنٹس سیکشن میں اپنے دکھ کا اظہار کیا۔