ایک عجیب و غریب واقعے کی پیش نظر دلہن نے اپنی شادی منسوخ کرنے کا فیصلہ کیا جو کہ سوشل میڈیا پر ذریعے منطر عام پر آیا ہے۔

رپورٹس کے مطابق بھارت کی ریاست اتر پردیش میں شادی سے کچھ دیر قبل کچھ ایسا ہوا جس کی بناء پر دلہن نے شادی کرنے کا فیصلہ ترک کردیا۔

سوشل میڈیا پر وائرل ہونے والے اس واقعے کے مطابق دلہن نے شادی سے قبل اپنے ہونے والے شوہر کی تعلیم کے حوالے سے کچھ شک میں مبتلا تھی اور دلہن نے دلچسپ انداز میں دولہے کے تعلیمی پس منظر کی حقیقت دنیا کے سامنے کھول دی۔

جیسے ہی دولہا اور اس کے اہل خانہ بارات لے کر دلہن کے گھر پہنچے، دلہن نے دولہے سے مطالبہ کیا کہ وہ شادی کرنے سے پہلے دو کا ٹیبل پڑھ کر سنائے اور دولہے کے پاس دلہن کے مطالبے کا کوئی جواب نہیں تھا اور نتیجتاً دلہن نے شادی منسوخ کر دی۔

رپورٹس میں کہا گیا ہے کہ یہ کیس 2021 کا ہے  اور حال ہی میں ایک بار پھر اس پوسٹ نے سوشل میڈیا صارفین میں کافی توجہ حاصل کی ہے۔