تائیوان میں تباہ کن زلزلے کے دوران نوزائیدہ بچوں کی حفاظت کرنے والی کی نرسوں کے بہادرانہ عمل کی تصویر کشی کرنے والی ایک ویڈیو نے انٹرنیٹ صارفین کی توجہ حاصل کرلی ہے۔

ویڈیو میں دکھایا گیا ہے کہ کئی نرسیں تائیوان کے ایک اسپتال میں نوزائیدہ بچوں کی حفاظت کر رہی ہیں، یہ منظر اسپتال کی نرسری میں نصب سی سی ٹی وی کیمرے میں ریکارڈ ہو گیا۔

ویڈیو میں نرسوں کو نوزائیدہ بچوں کے کاٹس کو ایک ساتھ پکڑے ہوئے دکھایا گیا ہے تاکہ یہ یقینی بنایا جا سکے کہ بچے محفوظ ہیں اور اس بات کو یقینی بناتی ہوئی نظر آرہی ہیں کہ کاٹس آپس میں نا ٹکرائیں۔

ایکس پر اس ویڈیو کو شیئر کرتے ہوئے نشانت شرما نامی ایک شخص نے لکھا، “تائیوان کی نرسیں زلزلے کے دوران بچوں کی حفاظت کر رہی ہیں۔ یہ سب سے خوبصورت ویڈیوز میں سے ایک ہے جو میں نے آج انٹرنیٹ پر دیکھی ہے۔ ان بہادر خواتین کو سلام۔”

خیال رہے کہ1999 میں ملک کی نانتو کاؤنٹی میں آنے والے 7.2 شدت کے زلزلے کے بعد سے 25 سالوں میں تائیوان میں آنے والا یہ سب سے طاقتور زلزلہ ہے، جس میں 2,500 سے زیادہ افراد ہلاک اور 1,300 سے زیادہ زخمی ہوئے۔