سابق امریکی صدر ڈونلڈٹرمپ نے کہا کہ کملا ہیرس صدر بننےکیلئے جو بائیڈن سے زیادہ نااہل ہیں۔

امریکی صدارتی امیدوار ڈونلڈٹرمپ نے ریاست نیومیکسیکومیں انتخابی ریلی سے خطاب کرتے ہوئے کہا کہ نیو میکسیکو میں ہم دوبارہ جیت چکے ہیں، ہم امریکا کو دوبارہ عظیم بنا سکتے ہیں۔

ڈونلڈ ٹرمپ نے کہا کہ کملا ہیرس ہیلری کلنٹن سے بھی زیادہ نااہل ہیں، ہیلری کم ازکم زہین تھیں لیکن کملاہیرس میں وہ خصوصیت بھی نہیں ہے۔

امریکی صدارتی امیدوار ڈونلڈٹرمپ نے یہ بھی کہا کہ ہسپانوی یالاطینی کمیونٹی کےساتھ محبت کرتاہوں۔

اس کے علاوہ ڈونلڈٹرمپ نے ریاست نیواڈا میں انتخابی ریلی سے خطاب کرتے ہوئے کہا کہ غیرقانونی تارکین وطن خوفناک اور جان لیوا ہیں، جبکہ انہوں نے اپنے حامیوں سے جلد ووٹ ڈالنےکی بھی اپیل کی۔

ڈونلڈٹرمپ نے یہ بھی کہا کہ ہم امریکا کو ہر لحاظ سے تیزی سے ٹھیک کریں گے، امریکا کو پہلے سے کہیں زیادہ امیر، محفوظ اور مضبوط بنائیں گے۔