امریکی صدر ٹرمپ اور روسی صدر پیوٹن کے درمیان ہونے والی ملاقات کے حوالے سے سوال پر ترجمان وائٹ ہاؤس مشتعل ہوگئے۔

صحافی نے ترجمان سے سوال کیا کہ ہنگری میں ٹرمپ اور پیوٹن ملاقات کا فیصلہ کس نے کیا؟ جس پر وائٹ ہاؤس کے ترجمان مشتعل ہوگئے اور بولے تمھاری ماں نے۔

کیرولین لیویٹ نے صحافی کو مزید ڈانٹتے ہوئے کہا کہ کوئی آپ کو سنجیدہ نہیں لیتا، یہاں تک آپ کے ساتھی بھی، مجھ سے فضول سوال کرنا بند کریں۔

ترجمان وائٹ ہاؤس کا صحافی کے ساتھ یہ اشتعال نگیز رویہ اب میڈیا کی زینت بن گیا ہے، اور امریکی میڈیا میں لیویٹ کو تنقید کا نشانہ بنایا جارہا ہے۔

غیر ملکی میڈیا کے مطابق جب وائٹ ہاؤس کی ترجمان سے پوچھا گیا کہ کیا آپ نے یہ جواب مزاح کے طور پر دیا ہے، تو کیرولین لیویٹ کا کہنا تھا ’آپ بائیں بازو سے تعلق رکھنے والے ایک انسان ہیں جو خود کو صحافی کہتے ہیں۔

کیرولین لیویٹ نے مزید کہا میرے لیے یہ بات مزاح ہی ہے کیونکہ کوئی آپ کو سنجیدہ نہیں لیتا، یہاں تک آپ کے ساتھی بھی آپ کو سنجیدہ نہیں لیتے، مجھ سے فضول سوال کرنا بند کریں۔