محکمہ موسمیات نے جون کے مہینے میں شدید بارشوں کی خوشخبری سنادی۔

محکمہ موسمیات کے مطابق جون میں شدید گرمی نہ پڑنے کا امکان ہے جبکہ وقفہ وقفہ سے بارشیں ہوتی رہیں گی۔

محکمہ موسمیات کے مطابق 17 جون کے بعد بارشیں شروع ہونے کا امکان ہے جبکہ پنجاب، آزادکشمیر اور گلگت بلتستان سمیت ملک کے مختلف حصوں میں آج بارش سے گرمی کی شدت میں کمی آگئی۔

دوسری جانب سندھ اور بلوچستان بدستور گرمی کی لپیٹ میں رہے جبکہ دادو، سبی، تربت میں درجہ حرارت 44 ڈگری، موہن جو دڑو 43، سکھر،کوئٹہ 34 اور کراچی میں 36 ڈگری رہا۔

ملک بھر میں بارش سے گرمی کا زور ٹوٹ گیا

یادرہے کہ  بلوچستان کے شمالی علاقوں میں بھی ہلکی بارش سے موسم سہانا ہو گیاتاہم میدانی علاقے خشک موسم کی لپیٹ میں رہے۔

ملک بھر میں  رم جھم برسات کی جھڑی لگ گئی اور خیبر پختونخو  اور پنجاب  کے مختلف اضلاع میں آندھی اورگرج چمک کے ساتھ بارش ہوئی ہے۔

واضح رہے کہ پاکستان کے کئی علاقوں میں تیز ہواوں اورگرج چمک کے ساتھ بارش ہوئی اور آج سب سے زیادہ درجہ حرارت  تربت میں 44 ڈگری سینٹی گریڈ ریکارڈ کیا گیا۔