شدید گرمی اور کورونا وائرس کی وباء کے ستائے شہریوں کے لیے ابر رحمت  برسا بھی تو انتظامیہ کی نااہلی کے سبب زحمت بن گیا۔

تفصیلات کے مطابق  کراچی مین مون سون اسپیل کی تین روزہ بارش کا سلسلہ آج تیسرے روز بھی جاری ہے۔

بارش کے دوران مختلف حادثات اور کرنٹ لگنے کے واقعات ، مکانات کی چھت ٹوٹ جانے کے باعث ہلاکتوں کی تعداد 12 ہوگئی ہے۔

آج صبح سے اب تک 3 افراد بجلی کے کرنٹ لگنے سے جاں بحق ہوچکے ہیں۔ واقعات کارساز روڈ ،کریم آباد اور ماڈل کالونی کے علاقوں میں پیش آئے ہیں۔

یاد رہے کہ ایک روز قبل تیز آندھی کے ساتھ ہونے والی بارش کے نتیجے میں مختلف حادثات میں 9 افراد  جاں بحق ہوئے تھے۔