کراچی والے سردی کیلئے ہوجائیں تیار ،  محکمہ موسمیات نے  کراچی میں سردی کی آمد کی پیشگوئی کردی۔

تفصیلات کے مطابق کراچی میں ماہ دسمبر میں گرمی  برقرار  ہے ۔سردی کی ایک جزوی لہر کے بعد شہر قائد کا موسم پھر سے گرم  ہے۔

شہر میں 8 کلو میٹر فی گھنٹہ کی رفتار سے شمال مشرقی ہوا چل رہی ہے۔آج کم سے کم درجہ حرارت 15.8 ڈگری سینٹی گریڈ جبکہ ہوا میں نمی کا تناسب 42فیصد ریکارڈ کیا گیا ہے۔

شہر کا مطلع صاف ہے اور اس وقت شہر کا موجودہ  درجہ حرارت 29 ڈگری سینٹی گریڈ ہے جو  زیادہ سے ذیادہ 33 ڈگری سینٹی رہنے کا امکان ہے۔

دوسری جانب محکمہ موسمیات  کا کہنا ہے کہ 12 دسمبر سے شہر قائد میں سردی میں اضافے کا امکان ہے۔