شہر کراچی میں سردی کی دوسری لہر کے تحت سرد ہواؤں کا سلسلہ جاری ہوگیا ہے۔

اس ضمن میں محمکہ موسمیات کا کہنا ہے کہ سرداور گردہواؤں کے باعث حدنگاہ 2 سے 3 کلو میٹررہ گئی ہے تاہم شہر میں 10 سے30 کلو میٹر کی رفتار سے ہوائیں چل رہی ہیں۔

محکمہ موسمیات نے بتایا ہے کہ شہرکا موجودہ درجہ حرارت 18 سنٹی گریڈ ریکارڈ کیا گیا ہے جس کے باعث سردی کی شدت میں اضافے کا امکان ہے۔

شہر بھر میں سردی کی نئی لہرآج سے شروع ہونے کا امکان ہے جس کے باعث کم سےکم درجہ حرارت 7 ڈگری سنٹی گریڈ رہنے کا امکان ظاہر کیا جارہا ہے۔

علاوہ ازیں محکمہ موسمیات کی جانب سے کشمیر، گلگت بلتستان ،خیبرپختونخوا میں بارش اور برفباری کا امکان بتایا جارہا ہے جبکہ اسکردو اور استور میں پارہ منفی 11 ڈگری سینٹی گریڈ ریکارڈ کیا گیا ہے۔

پنجاب کےمیدانی علاقوں میں شدیدد ھند ہے تاہم حدنگاہ کم ہوجانے کے باعث متعدد اہم قومی شاہراہوں کو بند کردیا گیا ہے، اس ضمن میں موٹروے پولیس نے محتاط ڈرائیونگ اور فوگ لائٹس کے استعمال کا مشورہ دیا ہے۔