کراچی شہر میں آج درجہ حرارت 43 ڈگری سینٹی گریڈ رہنے کا امکان ہے جس کے باعث موسم شدید گرام اور خشک رہے گا۔

اس ضمن میں محکمہ موسمیات کا کہنا ہے کہ کراچی شہر میں آج بھی درجہ حرارت 42.5 ڈگری سینٹی گریڈ ریکارڈ کیا گیا ہے جبکہ کم سے کم درجہ حرارت 32.5 ڈگری سینٹی گریڈ ریکارڈ کیا گیا ہے۔

محکمہ موسمیات کا کہنا ہے کہ کراچی شدید لو کی لپیٹ میں رہیگا کیونکہ ہوا میں نمی کا تناسب انتہائی کم 8 تا 10 فیصد رہنے کا امکان ہے۔

محکمہ موسمیات نے بتایا ہے کہ آئندہ 24 سے 48 گھنٹے کے دوران بارش کا کوئی امکان نہیں ہے جبکہ 18 مئی تک گرمی کا سلسلہ جاری رہے گا۔

محکمہ موسمیات نے عوام کو ہدایت کی ہے کہ شہری صبح 11 تا دوپہر 3 تک دھوپ میں جانے سے گریز کریں۔