کراچی کے مختلف علاقوں میں تیز آندھی کے ساتھ موسلا دھار بارش  شروع ہوگئی۔

 محکمہ موسمیات کی پیشگوئی کے مطابق شہر قائد کے مختلف علاقوں میں گرج چمک کے ساتھ  موسلا دھار بارش شروع ہوگئی ہے۔

گلشن حدید، ملیر،گلشن معمار،بفرزون، گلبرگ،واٹرپمپ،عائشہ منزل ، ناظم آباد ،کےاطراف میں موسلادھار بارش ہورہی ہے۔

بارش شروع ہونے سے قبل ملیر، فیڈرل بی ایریا، ابراہیم حیدری، لانڈھی، شارع فیصل، ڈرگ روڈ، ائیرپورٹ، اسکیم 33، یونیورسٹی روڈ، ڈیفنس اور کلفٹن کے اطراف میں تیز گرد آلود ہوائیں بھی چلیں۔

واضح رہے کہ محکمہ موسمیات نے خبردار کیا ہے کہ سندھ بھر میں آج سے 18جولائی تک مون سون کے نئے سسٹم کے تحت تیز آندھی اور گرج چمک کے ساتھ موسلا دھار بارشوں کا امکان ہے۔

ایسے موسم میں شہری  احتیاطی تدابیر اختیار کرنے کے ساتھ ساتھ درختوں، سائن بورڈز اور بجلی کے کھمبوں سے دور رہیں۔

محکمہ موسمیات کا کہنا ہے کہ سسٹم اس وقت وسطی بھارت میں بحیرہ عرب کے جنوب میں ہے۔ اس سسٹم کی وجہ سے آج سے شروع ہونے والا اسپیل پہلے اسپیل سے زیادہ طاقتور ہوسکتا ہے۔

https://twitter.com/Pak_Weather/status/1547583082647023628