شہر قائد کو سرمئی بادلوں نے اپنی لپیٹ میں لے رکھا ہے اور تیز سمندری ہوائیں چلنے کا سلسلہ بھی جاری ہے جس کے پیش نظر موسم خوشگوار ہے۔

محکمہ موسمیات کے مطابق کراچی میں مطلع جزوی طور پر ابر آلود رہے گا اور کہیں کہیں بوندا باندی کا بھی امکان ہے۔

موسم کا حال بتانے والوں کا کہنا ہے کہ آج کم سے کم درجہ حرارت 27 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 32 تا 34 سینٹی گریڈ رہنے کا امکان ہے۔

محکمہ موسمیات نے بتایا کہ شہر میں ہوا میں نمی کا تناسب 77 فیصد ریکارڈ کیا گیا تاہم ہوا میں نمی کا تناسب زیادہ ہونے سے گرمی کی شدت زائد محسوس کی جائے گی۔

اس کے علاوہ شہر میں 22 کلو میٹر فی گھنٹہ کی رفتار سے شمال مغربی ہوا چل رہی ہے۔

محکمہ موسمیات کے مطابق اگست کے آخری ہفتے تک شہر میں مون سون کا کوئی سسٹم نظر نہیں آرہا ہے جبکہ مون سون ہوائیں بالائی علاقوں کی طرف منتقل ہوگئی ہیں۔

محکمہ موسمیات کا مزید کہنا ہے کہ رواں سال مون سون بارشیں معمول سے کم ہونے کا امکان ہے جبکہ ماہ اگست میں صبح و شام بوندا باندی کا سلسلہ جاری رہے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/weather/2023/08/219521/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/weather/2023/08/219521/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں