کراچی: محکمہ موسمیات نے بتایا ہے کہ آج کراچی کا موسم گرم اور انتہائی مرطوب رہے گا، شہر میں سمندری ہوائیں معطل ہیں اور جنوب مغربی سمت سے ہواؤں کا سلسلہ جاری ہے۔

محکمہ موسمیات کے مطابق شہر کا کم سے کم درجہ حرارت 27 ڈگری ریکارڑ کیا گیا جبکہ زیادہ سے زیادہ پارہ 35 ڈگری تک رہنے کا امکان ہے۔

شہر میں ہوا میں نمی کا تناسب اوسطاً 70 فیصد رہنے کی توقع ہے جبکہ اس وقت جنوب مغربی سمت سے ہواؤں کا سلسلہ جاری ہے۔

دوسری جانب سندھ کے بیشتر علاقوں میں موسم گرم اور خشک رہے گا، جیکب آباد، لاڑکانہ، دادو، روہڑی، سکھر، خیر پور، شہید بینظیر آباد میں پارہ 37 سے 40 ڈگری تک رہنے کا امکان ہے۔

محکمہ موسمیات نے مزید بتایا کہ حیدرآباد، میر پور خاص، مٹھی میں پارہ 35 سے 37 ڈگری تک رہنے کی توقع ہے جبکہ بدین، ٹھٹھہ، سجاول میں درجہ حرارت 34 سے 35 ڈگری تک رہنے کا امکان ہے اور اس وقت صوبے بھر میں مطلع صاف رہے گا اور  بارش کا کوئی امکان نہیں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/weather/2023/09/142924/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/weather/2023/09/142924/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔