محکمہ موسمیات نے کراچی کے موسم سے متعلق اہم پیش گوئی کر دی ہے۔

کراچی کے موسم کے حوالے سے محمکہ موسمیات کا کہنا ہے کہ آئندہ 24 گھنٹوں کے دوران مطلع جزوی ابر آلود رہے گا جبکہ آئندہ ہفتے تک شہر میں بارش کا کوئی امکان نہیں ہے۔

محکمہ موسمیات کے مطابق شہر کا آج کم سے کم درجہ حرارت 24.5 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 35 ڈگری سینٹی گریڈ ریکارڈ ہونے کا امکان ہے۔

محکمہ موسمیات نے بتایا کہ کراچی میں تیز ہواؤں کا سلسلہ جاری ہے جبکہ اس وقت شہر میں 25 کلو میٹر فی گھنٹہ کی رفتار سے شمال مغربی ہوا چل رہی ہے، تاہم ہوا میں نمی کا تناسب 54 فیصد ریکارڈ کیا گیا ہے۔