محکمہ موسمیات نے آندھی اور گرج چمک کے ساتھ بارشوں کے نئے سلسلے کی پیشگوئی کر دی ہے۔

محکمہ موسمیات کے مطابق رواں ہفتے کے دوران ملک کے مختلف حصوں میں آندھی، جھکڑ چلنے اور گرج چمک کے ساتھ مزید بارشوں کا امکان ہے۔

   بارشوں سے ندی نالوں میں طغیانی، پہاڑی علاقوں میں لینڈ سلائیڈنگ جبکہ کمزور انفراسٹرکچر کو نقصان پہنچنے کا خدشہ ہے۔

اس حوالے سے متعلقہ اداروں کے لیے الرٹ جاری کرتے ہوئے شہریوں کو محتاط رہنے کا مشورہ دیا گیا ہے۔

مغربی ہواؤں کا ایک اور سلسلہ 16 اپریل کی رات کو بلوچستان کے مغربی علاقوں میں داخل ہوگا،17 اپریل کو بلوچستان کے بیشتر اضلاع کو اپنی لپیٹ میں لے گا اور 18 اپریل کو ملک کے بالائی علاقوں تک پھیل جائے گا۔

محکمہ موسمیات کے مطابق بلوچستان میں 16 اپریل کی رات سے 19 اپریل کے دوران، خیبر پختونخوا میں 17اپریل کی رات سے21 اپریل کے دوران جبکہ سندھ میں 17 اپریل کی رات سے 19 اپریل کی صبح تک آندھی اور گرج چمک کے ساتھ بارش کا امکان ہے۔