محکمہ موسمیات نے بارشوں کا دورانیہ مزید بڑھنے کی پیشگوئی کر دی ہے۔

 محکمہ موسمیات کا کہنا ہے کہ ملک کے مختلف علاقوں میں 16 تا 22 اپریل میں آندھی اورگرج چمک کیساتھ بارش متوقع ہے جب کہ پہاڑی علاقوں میں برف باری، لینڈسلائیڈ اور بلوچستان کے مقامی ندی نالوں میں طغیانی کا خدشہ ہے۔

دوسری جانب این ڈی ایم اے نے ممکنہ سیلابی صورتحال کے پیش نظر متعلقہ اداروں کو الرٹ جاری کر دیا ہے۔

این ڈی ایم اے کے مطابق دریائے کابل، سوات اور پنجکوڑہ میں سیلاب کا امکان ہے، دریائے کابل میں سیلابی صورتحال سے یکاگوند، نوشہرہ، چارسدہ اور پبی متاثر ہونے کا خدشہ ہے۔

اس کے علاوہ بارش، آندھی اور جھکڑ سے فصلوں، بجلی کے کھمبوں اور دیگر تعمیرات کو بھی نقصان کا خدشہ ہے۔