محکمہ موسمیات نے جون تا اگست مون سون بارشوں کے حوالے سے پیشگوئی کر دی ہے۔

محکمہ موسمیات کی جانب سے رواں سال جون تا اگست مون سون بارشوں پر جاری کردہ آؤٹ لک کے مطابق جون تا اگست ملک کے بیشتر مقامات پر معمول سے زائد بارشوں کا امکان ہے۔

محکمہ موسمیات کا کہنا ہے کہ بلوچستان میں بھی معمول سے کچھ زیادہ بارشیں متوقع ہیں جبکہ کے پی اور گلگت بلتستان میں معمول کے مطابق بارشیں ہوگی۔

آؤٹ لک میں کہا ہے کہ مون سون سیزن کے دوسرے مرحلے میں پہلے مرحلے سے زائد بارشوں کا امکان ہے، جس سے زائد درجہ حرارت سے بالائی کے پی، کشمیر، جی بی میں برف پگھلنے کاعمل تیز ہوسکتا ہے۔

اس کے علاوہ مون سون کے دوران آندھی اور تیز ہوائیں چلیں گی، زائد بارشوں کے سبب دریاؤں میں سیلابی صورتحال ہوسکتی ہے جبکہ شہروں میں اربن فلڈنگ کا بھی خدشہ ہے جبکہ کوہ سلیمان سمیت دیگر پہاڑی علاقوں میں بھی سیلابی ریلوں کا خدشہ ہے۔

آؤٹ لک کے مطابق ملک کے اکثر مقامات پر جون کے آغاز میں درجہ حرارت معمول سے زائد ہوگا اور بارشوں کے بعد درجہ حرارت معمول پر آجائیں گے۔