کراچی میں آج تیز ہوائیں چلنے کا امکان ہے جبکہ شہر میں سردی کی شدت میں معمولی کمی ہوگئی ہے۔

محکمہ موسمیات کے مطابق شہر میں آج موسم سرد اور مرطوب رہے گا، آج کم سے کم درجہ حرارت 13.8 ڈگری سینٹی گریڈ ریکارڈ کیا جبکہ زیادہ سے زیادہ درجہ حرارت 28 تا 30 ڈگری سینٹی گریڈ کے درمیان ریکارڈ ہونے کا امکان ہے۔

شہر میں ہوا میں نمی کا تناسب 77 فیصد ریکارڈ  کیا گیا جبکہ اس وقت 15 کلو میٹر فی گھنٹہ کی رفتار سے شمال مشرقی ہوا چل رہی ہے۔

علاوہ ازیں شہر میں دن کے اوقات تک ہواؤں کی رفتار میں اضافہ متوقع ہے، ہواؤں کی رفتار 28 تا 32 کلو میٹر تک ریکارڈ ہونے کا امکان ہے۔

محکمہ موسمیات نے مزید بتایا کہ آج مطلع جزوی ابر آلود رہے گا تاہم بارش کا کوئی امکان نہیں ہے۔