یونان کے شمالی حصے میں طوفان کم از کم چھ افراد ہلاک جبکہ متعدد ا افراد ذخمی ہو گئے ۔

غیر ملکی خبررساں ادارے کے مطابق یونان کے ساحلی علاقے ہالکی دکی میں آنے والے طوفان نے بڑے پیمانے پر تباہی مچائی۔ تیز رفتار طوفانی ہواوں نے ساحل پر بنے گھروں کی چھتیں اڑا دی، جبکہ ساحل پر کھڑی کشتیاں اور سڑکوں پر کھڑی گاڑیاں بھی الٹ گئیں۔

مقامی حکام کے مطابق بدھ اور جمعرات کی درمیانی شب چلنے والی طوفانی ہواؤں کی وجہ سے کم از کم ساٹھ افراد زخمی بھی ہوئے۔ مرنے والے تمام افراد سیاح تھے، جن کا تعلق چیک جمہوریہ، رومانیہ اور روس سے تھا۔ جبکہ ہلاک ہونے والوں میں دو بچے بھی شامل ہیں ۔

اس دوران بڑے پیمانے پر مالی نقصان بھی ہوا جبکہ اس طوفان سے سیاحوں میں مقبول جزیرہ نما خالکیڈیکی سب سے زیادہ متاثر ہوا۔

حکام نے علاقے میں ایمرجنسی نافذ کرتے ہوئے مکینوں کو محفوظ مقامات پر منتقل ہونے کی ہدایات جاری کر دیں ہیں۔

بعض نشیبی علاقے زیرآب آنے کے سبب امدادی کارکنوں کو متاثرین تک پہنچنے میں مشکلات کا سامنا ہے جس کے سبب ہلاکتوں کی تعداد میں اضافے کا بھی خدشہ ہے۔