صومالیہ کے درالحکومت موغادیشو میں میئرکے دفتر میں بم دھماکے کے نتیجے میں 6افراد ہلاک  جبکہ میئرزخمی ہوگئے۔

غیر ملکی خبر رساں ادارے کے مطابق حملے سے قبل  اقوام متحدہ کے خصوصی ایلچی جیمزسوان نے میئرعابدرحمان عمر عثمان  سے بنادر   ضلع کے ہیڈکوارٹر میں   ملاقات کی۔

 صومالیہ  کے   وزیر  اطلاعات   محمد  عابد ی   ہیئر  نے کہا ہے کہ حملے میں  دفتر کے 6 سرکاری  ملازمین ہلاک جبکہ  میئر سمیت 6 افراد زخمی ہوگئے ہیں ۔

اقوام متحدہ کے  سیکرٹری  جنرل   انتونیو گوتریس نے دہشتگردانہ  حملے کی شدید  الفاظ  میں  مذمت کی ہے۔

دوسری جانب  حملے کی ذمہ داری الشباب گروپ نے قبول کرلی ہے،لیکن اب تک اس بات کا تعین  نہیں  کیا جاسکا ہے کہ خود کش حملہ آور مئیر کے دفتر میں  کس طرح  داخل  ہوا ۔

 واضح  رہے کہ   القاعدہ سے منسلک  الشباب  نے اس سے قبل بھی سرکاری عمارتوں  اور دفاتر کو  حملے کا نشانہ بنایا ہے۔