ایران میں  6سالہ بچے کو قتل کرنے والی نرس کو تختہ دار پر لٹکا دیا گیا ہے۔

غیر ملکی خبر رساں ادارے کے مطابق ایران میں ایک 6 سالہ بچے کی   قاتل نرس کو پھانسی دے دی گئی،مذکورہ نرس پر مقدمہ جون2016 میں  چلایا گیا تھا۔

قتل کے کیس میں ملوث نرس نےعدالت میں  اقبال جرم کرلیا تھا جس کے بعد اسے سزائے موت دی گئی تھی ۔نرس کی عمر 40سال کے لگ بھگ تھی۔

واضح رہے کہ ایران میں سرکاری سطح پر سزائے موت کے اعدادو شمار جاری نہیں کیے جاتے ۔

غیر ملکی خبر رساں ادارے کی رپورٹ کے مطابق سال 2018ء میں ایران میں 253 افراد کو تختہ دار پر لٹکایا گیا  جبکہ 2017میں 507 قیدیوں کی سزائے موت پرعمل درآمد کیا گیا تھا۔