بھارت میں شدید بارش کے باعث عمارت گرنے سے بھارتی فوجیوں سمیت 13 افراد ہلاک اور 28 زخمی ہوگئے ہیں۔

تفصیلات کے مطابق بھارتی ریاست ہماچل پردیش میں موسلادھار بارش نے تباہی مچادی ، سولن ضلع میں میں ناہن ایکسپریس وے پر کمار ہٹی کے نزدیک چار منزلہ عمارت  با رشوں کے با عث منہدم ہوگئی ۔

حادثے میں عمارت کے ملبے تلے دب کر  بھارتی فوجیوں سمیت 13 افراد ہلاک اور 28 زخمی ہوگئے۔

 ضلعی ڈپٹی کمشنر کا کہنا ہے کہ ملبہ میں دبے فوج کے دیگر جوانوں اور شہریوں کی تلاش جاری ہے جبکہ واقعےمیں زخمی ہونے والوں کو طبی امداد کے لئے اسپتال منتقل کردیا گیا ہے ۔

ہماچل پردیش کے وزیراعلی رام ٹھوکر نے جگہ کا معائنہ کرنے کے بعد واقعہ کی عدالتی انکوائری کا  بھی حکم دے دیا ہے۔