ایرانی صدر حسن روحانی نے کہا ہے کہ ایران جوہری  معاہدے کے معاملے پر مشروط مذاکرات کے لئے تیار ہے ۔

 ایرانی میڈیا رپورٹس کے مطابق  ایرانی صدر حسن روحانی نے کہا ہے کہ ایران جوہری  معاہدے  پر  بات چیت  کرنے کے  لیےتیار ہے مگر اس کا مطلب یہ نہیں ہے کہ ہم نے ہتھیار ڈال دیے  ہیں  ۔

  ایرانی صدر کا مزید کہنا تھا کہ جب تک ملک کی  ذمہ داری مجھ پر ہے ہم جوہری معاہدے پر صرف قانون اور ایمانداری کے ساتھ اس مسئلے کے حل کے  لئے بات  چیت کے لئے تیار ہیں  ۔

 لیکن یہاں یہ بات واضح  نہیں  ہوسکی کہ ایرانی صدر کا مخاطب  کون تھا  مگر  بات  سے اندازہ  ہورہا تھا کہ  ایرانی صدر  ممکنہ طور پر امریکہ  سے    مذاکرات کا حوالہ  دے رہے تھے۔

واضح رہے کہ گزشتہ   برس  امریکی  صدر ڈنلڈ  ٹرمپ  نے 2015 کے امریکا اور ایر ان کے مابین  جوہری  معاہدے  سے دستبرداری  کا اعلان کیا تھا لیکن  اس معاملے  پر امریکہ نے ایران  سے بات چیت   کی  خواہش ظاہر  کی تھی  ۔