ایرانی صدر حسن روحانی نے کہا ہے کہ جوادظریف پرپابندی لگانا امریکا کی بچکانہ حرکت ہے۔

 غیر ملکی خبر رساں  ادارے کے مطابق   ایران کے صدر  حسن روحانی  نے امریکہ  کی جانب سے ایرانی  وزیر خارجہ  جواد ظریف پر  پابندی   عائد کرنے پر ردعمل دیتے ہوئے کہا   کہ جوادظریف پرپابندی امریکا کی بچکانہ حرکت ہے  ۔ امریکاپیشگی شرائط کے بغیربات چیت چاہتا ہے اور پابندی بھی لگارہاہے۔

خیال رہے کہ امریکا نے ایرانی وزیرخارجہ جواد ظریف پر پابندیاں عائد کرتے ہوئے ان کے اثاثے بھی منجمد کردیے  ہیں جبکہ جوادظریف کے غیرملکی دوروں میں کمی پربھی غور کررہا ہے۔

واضح رہےکہ ایران، امریکا اور برطانیہ کے درمیان تعلقات گزشتہ کئی ہفتوں سے کشیدہ ہیں، برطانیہ نے گزشتہ ماہ جبرالٹر سے ایرانی آئل ٹینکر قبضے میں لیا جس کے جواب میں ایران نے آبنائے ہرمز سےدو برطانوی آئل ٹینکر ز کو قبضے میں لیا تھا ۔

اس کے علاوہ ایران نے گزشتہ ماہ امریکی خفیہ ادارے سی آئی اے کے جاسوسوں کو پکڑنے اور انہیں پھانسی دینے کا دعویٰ بھی کیا تھا۔