مقبوضہ  کشمیرکی  سابق   وزیر اعلی  محبوبہ  مفتی کی بیٹی  التجا مفتی جاوید نے بھارتی  وزیر داخلہ  کو خط لکھا ہے جس میں واضح کیا گیا کہ کشمیروں کوجانوروں کی طرح پنجرے میں قید کردیا گیا ہے۔

 کشمیریوں کیساتھ جنگی قیدیوں جیساسلوک کیاجارہاہے ،ان کے ساتھ  توہین  آمیز   سلوک اپنا یا جارہا ہے ۔

 خط میں التجا مفتی کا کہنا تھا کہ  محبوبہ مفتی سےکسی کوملنےنہیں دیاجارہاہے، یہ توہین آمیزسلوک ہے۔ ان کا مزید  کہنا تھا کہ اگر میں نے میڈیا سے دوبارہ بات کی تو مجھے سخت ترین نتائج کی دھمکی بھی دی گئی ہے۔

 مجھے سمجھ نہیں آ رہا کہ مجھے اس بات کی سزا کیوں دی جا رہی ہے، اگر میں اس بات کی نشاندہی کروں کہ اس کرفیو نے کس طرح عام زندگی کو درہم برہم کر دیا ہے۔‘

یاد رہے چند روز قبل سابق وزیراعلیٰ کی صاحبزادی نے اپنی دوست کو آڈیو پیغام بھیجا تھا ، جس میں انہوں نے بتایا کہ وادی کے حالات انتہائی کشیدہ ہیں اور یہاں خوف کا ماحول ہے جبکہ کشمیریوں کے ساتھ بھارتی فوج جانوروں جیسا برتاؤ کررہی ہے۔

واضح رہے کہ  5 اگست  کو  بھارت نےآرٹیکل 370 کےتحت کشمیرکی خصوصی حیثیت ختم کردی تھی۔ جس کے بعد  وادی بھر میں  کرفیو  اور سخت سیکیورٹی  پابندیاں عائد کر دی گئی ہیں ۔

کرفیو کے دورا ن وادی کشمیر کے کئی بڑے رہنما گرفتار کیے جا چکے ہیں اور ان کو نظر بند کیا ہوا ہے، جن میں سابق وزیر اعلیٰ عمرعبداللہ اور محبوبہ مفتی بھی شامل ہیں۔

۔