بھارتی ایئر چیف بی ایس دھنوا کا کہنا ہے کہ بھارتی ایئر فورس کے زیر استعمال میگ  21  چوالیس سال پرانا طیارہ ہے۔

بھارتی میڈیا کے مطابق انڈین ایئر فورس کے ایک سیمینار سے خطاب کرتے ہوئے ایئر چیف اپنی ہی حکومتوں کی نااہلی اور لاپرواہی کا پردہ چاک کر گئے اور کہا کہ 1973 کے میگ طیاروں کےبھارتی فضائیہ کے حصہ ہونے پر حکومت پر برس پڑے۔

نئی دلی میں بھارتی ایئرچیف مارشل بی ایس دھنوا نے مودی سرکار کو کہا ہے کہ ہم 44 سال پرانے جنگی طیارے اُڑا رہے ہیں جبکہ  اتنی پرانی تو کوئی گاڑی بھی چلانےکی ہمت نہیں کرتا ہے۔

بھارتی فضائیہ کے سربراہ نے امید ظاہر کی رواں برس روس کے جنگی جیٹ طیارے مل جائیں گے ، فی الحال میگ طیاروں کی بھارت میں تیار کیے گے پرزوں سے مرمت کرکے کام چلایا جا رہا ہے۔

یاد رہے گزشتہ سال بھی بھارتی ائیرچیف بریندر سنگھ نے اعتراف کیا تھا کہ بھارتی فضائیہ مہارت میں پاکستان کا مقابلہ نہیں کرسکتی، دو سو طیارے بھی حاصل کرلیں تب بھی پاکستان اور چین کی فضائی مہارت سے پیچھے ہیں۔

واضح رہے 8 مارچ کو بھارتی فضائیہ کا ایک طیارہ میگ 21 راجھستان کے نل نامی ایئر بیس سے اڑنے کے بعد گر کر تباہ ہو گیا تھا، جس کے گرنے کی وجہ معلوم نہ ہو سکی، اس کے بعد 31 مارچ کو بھی لڑاکا طیارہ مگ 27 راجھستان کے علاقے جودھ پور میں گر کر تباہ ہوا، طیارے کا پائلٹ لا پتا ہو گیا تھا۔

دوسری جانب 27 فروری کو پاکستانی ایئر فور س نے بھارتی فضائیہ کے دو طیارے مار گرائے تھے، ان میں سے ایک مقبوضہ کشمیر میں گرا جبکہ ایک پاکستان کی جانب آزاد کشمیر میں گرا تھا۔