شمالی کوریا کے وزیر خارجہ نے امریکی ہم منصب کو امریکی سفارتکاری کا زہریلا پودا قرار دے دیا۔

غیر ملکی  خبر رساں  ادارے کے مطابق  شمالی کوریا کے وزیر خارجہ ری یونگ ہو نے اپنے بیان میں کہاہے  کہ پیانگ یانگ واشنگٹن کے ساتھ جنگ اور مذاکرات دونوں کے لیے تیار ہے۔

ری یونگ ہو نے مزید کہا کہ شمالی کوریا کوشش کرے گا کہ وہ امریکا کے لیے سب سے بڑے خطرے کے طور پر موجود رہیں۔

انہوں نے امریکی وزیر خارجہ کو تنقید کا نشانہ بناتے ہوئے کہا کہ مائیک پومپیو شمالی کوریا اور  امریکا کے درمیان جوہری مذاکرات دوبارہ شروع ہونے میں رکاوٹ ہیں۔

خیال رہے کہ مائیک پومپو نے کچھ دنوں قبل ایک انٹرویو میں شمالی کوریا پر پابندیاں برقرار رکھے جانے سے متعلق بیان دیا تھا۔