سعودی عرب کے سفیر نواف سعیدالمالکی نے سعودی عرب کے قومی دن کے حوالے سے خطاب کرتے ہوئے کہا کہ پاکستان اور سعودی عرب کے تعلقات میں بہت بہتری آئی ہے، دونوں ممالک کی قیادت ایک دوسرے پر اعتماد کرتے ہیں۔

دونوں قیادتیں مسلسل مشاورت کا عمل بھی رکھے ہوئے ہیں۔ سعودی عرب کا بنیادی پیغام امت مسلمہ کا اتحاد ہے۔

 سعودی عرب حاجیوں اور عمرہ زائرین کو سہولیات فراہم کرنے میں ہمہ تن مصروف ہے، سعودی عرب میں مقیم پاکستانیوں کے حوالے سے جو اقدامات کیئے گئے ہیں انہیں سراہا گیا ہے۔

نواف سعیدالمالکی نے مزید کہا کہ ہمیں فخر ہے کہ پاکستان اور سعودی عرب ایک دوسرے سے محبت اور اعتبار کے ساتھ رہتے ہیں۔

سعودی عرب کے سفیر نواف سعیدالمالکی  نے واضح کیا کہ  پاک سعودی تعلقات صرف حکومتوں کے درمیان نہیں بلکہ عوام کے درمیان ہیں۔ میرا دل ہرپاکستانی کیلئے دھڑکتا ہے، پاکستان سے ہمیں پیار ہے۔

 پاکستان اور سعودی عرب کے درمیان دیرینہ تعلقات ہیں، سعودی عرب ہر چیلنج میں پاکستان کے ساتھ کھڑا ہے۔