مقبوضہ کشمیر میں قابض بھارتی افواج نے ریاستی دہشت گردی کا مظاہرہ کرتے ہوئے مزید تین کشمیریوں کو شہید کر دیا۔

کشمیر میڈیا سروس کے مطابق کشمیر میں 5 اگست سے کرفیو کے باعث تمام تعلیمی ادارے بند، اشیائے خوردونوش کی قلت اور مریضوں کو علاج معالجے کی سہولیات میں بھی شدید مشکلات کا سامنا ہے جبکہ بھارتی فورسز کی جانب سے اپنے حقوق کے لیے احتجاج کرنے والے نہتے کشمیریوں پر پیلٹ گنوں کا استعمال اور آنسو گیس کی شیلنگ بھی کی جا رہی ہے۔

حریت قیادت گھروں میں نظر بند یا جیلوں میں قید ہے جبکہ قابض بھارتی افواج نے سری نگر سے حریت رہنما حیات بٹ کو گرفتار کر کے نامعلوم مقام پر منتقل کر دیا ہے۔