ترک صدر طیب صدراردوان نے کہا ہے کہ ترکی کی شمال مشرقی میں کارروائی سے 109 عسکریت پسند مارے جا چکے ہیں۔

تفصیلات کے مطابق ترک صدر طیب اردوان نے انقرہ میں اپنی اے کے پارٹی کے ممبروں سے خطاب کرتے ہوئے کہا کہ شمالی مشرقی شام میں کرد جنگجوؤں کے خلاف فوجی کارروائی کا آغاز کر دیا ہے اور یہ دہشت گردوں کی راہداری کے خاتمے تک آپریشن جاری رہے گا۔

ترک صدر کا کہنا تھا کہ فوجی کاروائی ترکی میں دہشت گردی کے خطرات کو ختم کر دے گا۔

ترک صدرطیب اردوان کا مزید کہنا تھا کہ آپریشن کا مقصد علاقے کو محفوظ بنانا، پناہ گزینوں کی گھروں کو واپسی بھی ہے۔

یاد رہے کہ چند دن قبل ترک صدر رجب طیب اردوان نے کہا تھا کہ ترک فوج تیار ہے، شام میں کرد ملیشیا کے خلاف آپریشن کسی بھی لمحے شروع ہو سکتا ہے۔

اس موقع پرترک فوج کے افسر کا اپنے ایک بیان میں کہنا تھا کہ شام میں فوجی کارروائی کا آغاز فضائی بمباری سے کر دیا گیا ہے جبکہ علاقے میں ٹینکوں اور پیدل فوج کے ذریعے بھی کارروائی کی جائے گی۔